Adxudicados 100.000 euros para a humanización entre o Balneario e a praza de Augas Santas en Pantón

RibeiraSacraXa
La Xunta adjudica por casi 100.000 euros la mejora de la conectividad entre el balneario y la plaza de Augas Santas en Pantón.
humanizacion Panton
humanizacion Panton
8 Dec 2021

A Consellería de Medio Ambiente, Territorio e Vivenda adxudicou por case 100.000 euros as obras para humanizar e mellorar o estado actual do viario que conecta o balneario de Augas Santas coa praza que leva o mesmo nome no concello de Pantón.

O prazo de execución previsto é de dous meses, polo que no vindeiro ano este punto da Ribeira Sacra lucirá un aspecto mellorado, ao tempo que se mellorará a accesibilidade e conectividade, tanto rodada como peonil.

Grazas a estes traballos tamén se mellorará a infraestrutura para recoller as augas pluviais, ademais de definirse un muro para delimitar o paseo, colocarse a iluminación na totalidade do viario e instalarse nova sinalización.

Cómpre salientar que o contrato estaba reservado a unha empresa de inserción laboral e neste caso foi Properdis a que resultou adxudicataria.

0.19205117225647