Deputación

As obras permitirán completar a renovación desta vía que vertebra o municipio e conecta San Clodio co Alto da Cruz

A Deputación de Lugo adxudicou este venres por 135.000 euros a mellora da LU-P-5301 en Ribas de Sil, nun tramo de case dous quilómetros entre os puntos 6,200 e 8,198.

As obras permitirán completar a renovación desta vía que vertebra o municipio e conecta San Clodio co Alto da Cruz, incluíndo limpeza de cunetas, pavimentación e repintado da sinalización.

Ademais esta semana comezaron as obras de construción de cunetas en formigón nas aldeas de Filgueiro e Moreiras de Medio, na parroquia de Torbeo. As actuacións teñen un orzamento de 15.631,73 euros e están destinadas a favorecer a evacuación das augas de choiva, o que garantiza a correcta conservación do firme desas estradas locais