A XXXIII Feira do Viño de Vilachá presenta o programa por días
A XXXIII edición da Feira do Viño de Vilachá, que terá lugar do 1 ao 3 de maio de 2026, vén de presentar o seu programa por días. O evento reunirá a 13 adegas e furanchos participantes, ademais de postos de artesanía, comida e polbo.
A xornada inaugural comezará a partir das 16:00 horas coa actuación de Os Parrandas e a batukada Tukupá, que abrirán a programación musical da feira.
O sábado concentrará boa parte das actividades. Ás 11:00 horas actuarán Os Minstreles, Os Corenta e Cinco, Os Bochechas do Sil, Son do Mao e Os Tarabelos.
Ás 13:00 horas celebrarase a cata “Nuestras riberas”, dirixida por Juanjo Figueroa, con prazas limitadas e reservas dispoñibles por WhatsApp no número 650 624 828, cun prezo de 15 euros por persoa.
A programación do domingo comezará ás 11:00 horas coa participación da Escola Municipal Samoeiro, Os Triskeles, Os Somontanos e Cantareiras de Fornelas. Ás 13:00 horas terá lugar o pregón, a cargo da sumiller Mónica Fernández. Pola tarde, ás 17:00 horas, celebrarase a cata-concurso dos viños dos furanchos, na que se entregarán premios tanto do xurado como do público. Esta actividade será de acceso libre.