Sociedade

Será os días 6 e 7 cun programa aínda por confirmar

A XXII Feira da Cereixa, do Viño e do Aceite de Ribas de Sil regresa en 2026 organizada polo Concello de Ribas de Sil en colaboración coa Deputación de Lugo e o Xeoparque Montañas do Courel. A cita terá lugar os días 6 e 7 de xuño na praia fluvial de San Clodio.

Tras 21 anos de historia, esta festa está consolidada no calendario da Ribeira Sacra como un dos eventos de referencia e reúne cada ano a milleiros de persoas. O evento pon en valor a importancia do sector primario e dos produtores locais, destacando o patrimonio gastronómico da contorna.

O programa, que se dará a coñecer proximamente, contará como é costume con actividades lúdicas e festivas, así como degustacións de cereixas e produtos típicos da comarca e outras actividades.