A veciñanza de Eiriz prepárase para dar comezo ao 20 aniversario das súas festas
A veciñanza de Eiriz prepara unha edición especial das festas na honra a San Xoán con motivo do seu XXX aniversario.
O programa comezará este domingo, 16 de agosto, ás 16.30 horas, co tradicional concurso de petanca. O resto das actividades desenvolveranse ao día seguinte.
O luns, 17 de agosto, a programación comezará ás 13.30 horas coa misa solemne e a procesión, que estarán acompañadas polo Grupo de Gaitas “O Brabán” da Pobra do Brollón.
Xa pola noite, ás 23.00 horas, terá lugar a verbena a cargo de DJ Rafa, de Radio Monforte. A xornada completarase cun concurso de baile organizado pola Comisión de Festas.
As celebracións servirán así para conmemorar os trinta anos das festas de Eiriz na honra a San Xoán cunha programación que combina tradición, música e actividades festivas.