A unidade móbil de expedición de DNI e pasaporte achegarase a Carballedo no mes de outubro
RibeiraSacraXa
O Vehículo Integral de Documentación permanecerá no municipio o día 13 e será necesaria cita previa
5 Sep 2026
O Vehículo Integral de Documentación da Policía Nacional (VIDOC) desprazarase a Carballedo o vindeiro 13 de outubro para facilitar á veciñanza diferentes trámites relacionados coa documentación.
O vehículo estará no municipio entre as 09.30 e as 12.30 horas e permitirá realizar a expedición e renovación do DNI e do pasaporte, así como actualizar o DNI electrónico e as súas claves.
As persoas interesadas deberán solicitar cita previa no teléfono 982 466 201. Para obter máis información sobre este servizo, está dispoñible o número 982 254 498.