Actualidade

Trátase dunha reunión organizada polo Ministerio de Cultura en colaboración coa Secretaría do Paisaxe do Consello de Europa e a Xunta de Galicia, que reúne representantes dos 40 estados asinantes do Convenio do Paisaxe

A Ribeira Sacra acolle hoxe e mañá a 27ª reunión do grupo de traballo do Consello da Paisaxe, un encontro internacional de referencia no ámbito das políticas do territorio e da xestión paisaxística. Trátase dun foro promovido polo Ministerio de Cultura en colaboración coa Secretaría do Paisaxe do Consello de Europa e a Consellería de Cultura, Lingua e Xuventude da Xunta de Galicia.

A cita reúne representantes dos 40 estados asinantes do Convenio do Consello da Paisaxe, que comparten experiencias, iniciativas e boas prácticas desenvolvidas nos seus respectivos países. O obxectivo é ofrecer unha visión global e actualizada do grao de aplicación deste convenio europeo.

A elección da Ribeira Sacra como sede responde tamén ao propósito de reforzar a súa candidatura a Patrimonio Mundial da UNESCO. Este territorio, que abrangue 26 municipios das provincias de Lugo e Ourense, destaca pola súa combinación de patrimonio natural e cultural, e pola súa relación histórica entre a auga, a paisaxe e a ocupación humana.

Durante a apertura do encontro, o secretario de Estado de Cultura, Jordi Martí, definiu a zona como “la Ribeira Sacra constituye un ejemplo paradigmático, un paisaje cultural de agua de valor excepcional; un territorio donde el agua ha modelado la geografía, pero también la cultura, las formas de vida”. Engadiu tamén que “es un paisaje vivo, que ha llegado hasta nosotros en condiciones excepcionales y hoy aspira a su reconocimiento como Patrimonio Mundial. Esta aspiración es sobre todo un compromiso con su protección, su gestión y su transmisión a generaciones futuras”.

Pola súa banda, o conselleiro de Cultura, Lingua e Xuventude, José López Campos, valorou como “más que adecuada” a decisión de escoller este enclave para o encontro, destacando o que supón de “puesta en valor e impulso” da candidatura. Subliñou tamén o “paisaje cultural único” da Ribeira Sacra como “valor clave” para acadar o recoñecemento internacional, e puxo o foco nos seus “atributos excepcionales construidos y esculpidos alrededor del uso del agua”, así como na súa “importante singularidad” dentro da Lista da UNESCO.

A inauguración contou tamén coa participación do director de Dereitos Sociais, Saúde e Medio Ambiente do Consello de Europa, Rafael Benítez, e da senadora europea Aurora Floridia.

Baixo o lema ‘La gestión del paisaje ante la crisis climática desde la sostenibilidad y la resiliencia: retos y oportunidades’, o encontro aborda o papel da paisaxe como ferramenta estratéxica fronte á emerxencia climática, a perda de biodiversidade e a contaminación, en liña co Convenio Europeo da Paisaxe e a Declaración de Reikiavik.

As sesións organízanse en bloques técnicos centrados na planificación, a avaliación de riscos, a adaptación normativa e a gobernanza do territorio. Nel participan representantes dos diferentes estados, ademais de espazos de debate e intercambio de experiencias.

No caso de España, o Ministerio de Cultura presenta as súas políticas en materia de paisaxe e cambio climático, así como a relación entre patrimonio cultural e ordenación territorial. A Xunta de Galicia expón tamén as súas liñas de actuación autonómica, mentres que o Ministerio para a Transición Ecolóxica e o Reto Demográfico achega iniciativas como a actualización do Plan Nacional de Adaptación ao Cambio Climático ou o Pacto Climático.

Durante o encontro preséntase ademais o novo Plan Nacional do Paisaxe, aprobado na última reunión do Consello de Patrimonio Histórico, órgano no que participan as comunidades autónomas e o Ministerio de Cultura.

O Consello de Europa organiza estas reunións desde o ano 2002. España foi un dos países máis activos na súa celebración, con edicións previas en Girona (2006), Córdoba (2010), Sevilla (2019) e Palma (2021). Esta edición na Ribeira Sacra é a primeira desde 2022, o que lle outorga unha especial relevancia no contexto europeo actual.

O programa complétase con visitas ao territorio da candidatura, un espazo modelado pola confluencia dos ríos Sil e Miño e cun patrimonio natural e cultural singular. Entre os puntos incluídos figuran a Fábrica da Luz, as pasarelas do río Mao e o mosteiro de Santa Cristina de Ribas de Sil, no concello de Parada de Sil (Ourense), así como o Ecomuseo de Arxeriz, a ruta dos Codos de Belesar e a adega Abadía da Cova, no Saviñao (Lugo).

Este encontro internacional consolida así a Ribeira Sacra como un dos escenarios clave no debate europeo sobre paisaxe, sustentabilidade e adaptación ao cambio climático.