A Pobra do Brollón acolle a súa oitava Feira Guímara para conmemorar a revolta contra o Conde de Lemos
O sábado 8 de xullo, celebrarase a 8ª edición da Feira Guímara, cunha xornada repleta de actividades para conmemorar a revolta da veciñanza da Pobra do Brollón contra o Conde de Lemos.
Durante esta xornada, haberá postos de artesanía e de productos locais para o desfrute de veciños, veciñas e visitantes, así como se celebrará un concurso de estandartes e haberá premios á caracterización.
Programa
O sábado, a partir das 13.00 horas terá lugar a lectura dramatizada do pregón a cargo de Merche Pérez e Manuel Ayán. E, a continuación, a representación escénica dos nenos do obradoiro de teatro MRMC ‘O Piñeiro Máxico’.
Ademais, terá lugar a representación da Revolta Guímara e a sesión vermú, amenizada coa música de Os Ministreles do Burgo, que dará lugar ao xantar popular, no que se contará con postos de viño e comida, polbeiras e pasamesas musical.
Xa pola tarde Terán lugar os campionatos de xogos populares, o chave, a ra, e o tira-soga; e á noite, celebraranse os concertos de Airiños da freba e Os Rastreros.
