A Pobra de Trives acolle un torneo de xadrez polo Día das Letras Galegas
A ANPA do CEIP Plurilingüe Manuel Bermúdez Couso da Pobra de Trives organiza este domingo un torneo de xadrez con motivo da celebración do Día das Letras Galegas. A actividade terá lugar a partir das 20:00 horas no Edificio de Santa Leonor.
O evento contará con dúas categorías: Sub12 e Absoluta. Na categoría Sub12 establécense premios de 50 euros para o primeiro posto, 30 euros para o segundo e 20 euros para o terceiro. Pola súa parte, na categoría Absoluta, o primeiro premio será de 200 euros, o segundo de 200 euros e o terceiro de 50 euros. Ademais, realizaranse sorteos entre todas as persoas participantes.
A inscrición ten un custo de 10 euros e poderá formalizarse ata este venres no número de teléfono 609 240 823. O torneo conta cun límite máximo de 100 participantes.