A Estación de Montaña de Manzaneda acollerá este sábado un Campionato de Boulder para categorías base
A Estación de Montaña de Manzaneda será o escenario o vindeiro 13 de xuño dunha competición de escalada en formato boulder dirixida ás categorías base do deporte federado galego.
A cita reunirá deportistas das categorías benxamín, alevín, infantil e cadete, que participarán nun campionato no que se combinarán técnica, resistencia e resolución de bloques nun entorno de montaña especialmente preparado para a actividade.
A xornada está pensada como un encontro deportivo no que as novas promesas da escalada galega poderán demostrar o seu nivel nun ambiente de convivencia e competición, nunha disciplina que cada vez conta con maior presenza e seguimento.
A organización corre a cargo da Asociación de Escaladores Ourensáns (ASESOU), coa colaboración da Xunta de Galicia, a Deputación de Ourense, os concellos de A Pobra de Trives e Manzaneda, e a Federación Galega de Montañismo.