Sociedade

Será o día 21 na área recreativa de Samugueiros e reunirá diferentes formacións e agrupacións da escola

A Escola Municipal de Música Samoeiro, do concello de A Pobra do Brollón, celebrará o seu festival de fin de curso o vindeiro domingo 21 de xuño, ás 18.00 horas, na área recreativa de Samugueiros.

O evento reunirá diferentes formacións e agrupacións da escola, como a Coral Polifónica Samoeiro, o grupo de baile tradicional e o alumnado das especialidades de pandeireta, percusión e gaita, ademais dos nenos e nenas de música e movemento.

A xornada estará conducida con presentacións realizadas polo alumnado de galego, que dará continuidade ás actuacións ao longo do festival.