Sociedade

O alumnado ofrecerá unha actuación este venres pola tarde para mostrar o traballo, esforzo e ilusión do ano

A Escola Municipal de Música de A Pobra de Trives celebrará o seu concerto de fin de curso, unha cita considerada moi especial na que o alumnado amosará o traballo, esforzo e ilusión desenvolvidos ao longo deste ano.

O concerto terá lugar este venres 26 de xuño ás 20:30 horas no Auditorio Julio Vázquez. Desde o Concello convidan á veciñanza a achegarse e acompañar aos nenos e nenas nesta cita cultural e de confraternidade, que será de acceso libre e gratuíto ata completar aforo.