A Casa da Memoria de Bóveda organiza o 1º Campo de Voluntariado Ambiental

Desenvolverase este sábado, 20 de xullo, durante toda a xornada desde as 11.00 horas e rematará cun concerto

Desde a Casa da Memoria de Bóveda anuncian que este sábado, 20 de xullo, organizan o 1º Campo de Voluntariado Ambiental con recuperación de espazos naturais comunitarios.

Por isto, animan a todas as persoas a participar desta iniciativa que se desenvolverá na aldea de Xullán, en bóveda, a partir das 11.00 horas para compartir un día de natureza, convivencia, comida e música.

Así, a xornada rematará cun concerto de PeitoEscuro, que comezará a partir das 22.30 horas e interpretarán ‘Cantos de ruinas’ para todas as persoas que se acheguen a desfrutar da actividade.