12 Agrupacións musicais participarán no Certame Celtibérico de Bandas de Gaitas de Quiroga

RibeiraSacraXa
12 Agrupaciones musicales participarán en el Certamen Celtibérico de Bandas de Gaitas que organiza Quiroga.
presentacion celtiberico gaitas quiroga
presentacion celtiberico gaitas quiroga
13 abr 2022

O Concello de Quiroga presentou os actos culturais e de tradición oral programados para a Feira do Viño de Quiroga, entre os que está o Certame Celtibérico de Bandas de Gaitas, no que este ano participarán doce agrupacións musicais.

O acto de presentación tiña lugar na Casa de Cultura de Quiroga, coa intervención do Director da Real Banda de Gaitas de Ourense, José Luis Foxo, do Concelleiro de Cultura, José Luis Rivera e do Alcalde de Quiroga, Julio Álvarez.

Quiroga vai ser novamente, o vindeiro sábado, un escenario único, no que se van xuntar 500 músicos de agrupacións chegadas do norte de Portugal, de León, de Asturias, de Galicia e da Galicia Emigrante.

O Certame Celtibérico estará adicado este ano a Alfonso Muíño, un dos investigadores máis importantes no coñecemento da gaita, centrándose no estudo das palletas. Con esta homenaxe, en palabras de José Luis Foxo, preténdese que siga sendo un referente na cultura da gaita e tamén que Quiroga teña un espazo para a música tradicional.

O alcalde de Quiroga, Julio Álvarez, matizou que non é fácil atopar un número tan significativos de músicos que encherán de cor e son as rúas da vila quiroguesa, nun acto que serve para manter a tradición e a cultura.

No Certame Celtibérico, que comezará ás once e media da mañá, participarán bandas de gaitas nos catro graos e contarán cun equipo de xuíces profesionais que farán informes de cada banda.

Na presentación do acto tamén estiveron presentes os integrantes da Escola de Gaitas San Martiño de Quiroga, que baixo a dirección do seu profesor, Marco Foxo, interpretaron varias pezas musicais e incluso remataron interpretando a Pastora do Caurel.