Axenda

O Concello de Pantón celebrará o Magosto 2024 o vindeiro 9 de novembro

O Concello de Pantón organiza o vindeiro 9 de novembro unha festa do Magosto cunha pancetada e un baile popular para celebrar o outono.

Ao igual que en anos anteriores, a festa terá lugar na Praza do Concello a partir das 18.00 horas. A entrada será libre e gratuíta para os asistentes, que poderán gozar das tradicionais castañas asadas, acompañadas de panceta e viño, nunha xornada na que a música será tamén protagonista.