Ocio seguro nunha excusión para persoas maiores na Ribeira Sacra
![_bodega Regina Viarum monforte](https://ribeirasacraxa.com/wp-content/uploads/2021/07/bodega-Regina-Viarum-monforte.jpg)
Os usuarios da residencia da terceira idade de Monforte de Lemos realizaron no día de hoxe unha excursión polos distintos recunchos de Lugo. Alí, púxose en valor a necesidade de levar a cabo estas actividades que permiten aos maiores volver saír ás rúas para poder practicar ocio seguro e saudable de xeito cotiá.
Os usuarios desta residencia visitaron a bodega Regina Viarum, onde puideron percorrer as instalacións e observar o proceso de traballo rutineiro que se leva a cabo nunha bodega.
Continuaron a excursión asomándose ao miradoiro do Duque, o único que ten Monforte de Lemos sobre o Canón do Sil, cunhas vistas nas que se pode divisar os viñedos de Amandi, o embarcadoiro de Doade e alén do río Castro Caldelas e A Teixeira. Ademais, os residentes realizaron unha ruta no tren turístico que os achegou aos diferentes puntos da Ribeira Sacra e que percorreu as empinadas ladeiras da zona, unha actividade coa que os maiores desfrutaron especialmente da natureza e das paisaxes que ofrece Galicia.