O primeiro curso de orientación en montaña de Coureleando rematou cun gran éxito entre os participantes

Coureleando, en colaboración con Casa Caselo de Paderne do  Courel, organizou esta pasada fin de semana o primeiro curso de orientación en montaña para todo tipo de climatoloxía.

Durante a actividade, os participantes aprenderon a manexar mapas, compás, a orientarse polo monte, técnicas de seguridade e planificación e algunhas aplicacións para móbiles útiles nas actividades de montaña. O curso combinou actividades teóricas e prácticas, incluíndo actividades pola noite para completar a formación.

O guía de montaña Guillermo Díaz foi o encargado de impartir este curso que celebrou a súa primeira edición acadando un gran éxito entre as persoas participantes.