O PP de Monforte pon de relevo a necesidade de limpar a rede de sumidoiros durante o verán
![limpeza-sumidoiros-PP-Monforte](https://ribeirasacraxa.com/wp-content/uploads/2024/07/limpeza-sumidoiros-PP-Monforte.jpg)
Os concelleiros do Grupo Municipal Popular de Monforte defenderon no pleno de onte varias iniciativas para que os monfortinos teñan uns servizos de calidade, en lugar “da estratexia do engano e dos titulares” de José Tomé.
A voceira popular, Katy Varela, insistiu na necesidade de limpar a rede de sumidoiros de Monforte durante o verán para que, no caso de que cheguen fortes treboadas non haxa ningún obstáculo que os tapone e así poidan evacuar correctamente a auga. Uns traballos que se deberían de realizar periodicamente pero que “semella non sucede así” polo que “seguramente será máis complicado de realizar se o goberno local segue a deixar pasar o tempo”.
A realidade é que da rede de sumidoiros emanan moitas veces “cheiros desagradables” polo que “todo apunta a que hai moito tempo que non se realiza a limpeza”. Katy Varela explica que tamén se reiterou a necesidade de retirar o cartel que o goberno local colocou na Compañía e no que se anuncian unhas obras que o propio José Tomé xa anunciou que “non se van a realizar”. “Deixan o cartel para tentar enganar aos veciños, pero a realidade é que non se vai a investir o 1.729.453 euros anunciado”, recordou.