O IES A Pinguela conta cunha nova homenaxe polos seus 40 anos da man de Eugenio Linares

O artista creou un moucho a través da talla en madeira con motoserra

Eugenio Linares realizou unha exhibición de talla en madeira no IES A Pinguela onde demostrou as súas habilidades de escultor coa motoserra.

Desta maneira, durante toda unha mañá, distintos grupos puideron aprender unha técnica para eles descoñecida que o creador asturiano e veciño de Tuiriz, en Pantón, lles foi explicando e que rematou nun novo habitante no noso centro, un moucho lector
que inspirará aínda máis sabedoría ao alumnado.

"Damos a benvida a este novo tótem académico e tamén moitas gracias a Eugenio por traérnolo neste 40 aniversario do instituto para o noso xardín botánico", destacaron desde o centro educativo.