O Fogar Residencial e o Centro de día de Carballedo abre o prazo de preinscrición
![fogar residencial carballedo](https://ribeirasacraxa.com/wp-content/uploads/2022/01/fogar-residencial-carballedo.jpg)
Dende o día de onte os veciños que o precisen poden solicitar as prazas para o Fogar Residencial e o Centro de día. Este é un período de preinscrición para solicitar unha das prazas destes servizos que apoian e axudan aos máis maiores do Concello de Carballedo.
Os veciños que desexen coñecer o funcionamento e as características dos servizos que se ofertan poden acudir tanto as oficinas municipais ou chamar aos servizos sociais ao número 982 466 201.
O centro asistencial ofrecerá un coidado achegado e personalizado a cada residente polo persoal cualificado. O fin é crear un ambiente agradable e cálido para que os veciños estean cómodos e conten cun trato familiar.
Obradoiros, actividades que melloren a mobilidade, exercicio, excursións... son algunhas das actividades que se levarán a cabo en ambos centros. O fogar residencial estará dirixido a aquelas persoas que queiran atención 24 horas con pernoita mentres que o centro de día será un servizo que axudará aos maiores a sentirse acompañados evitando o seu internamento.