O Combo Dominicano e a Panorama estarán nas festas patronais do Saviñao
![festas-de-vilalba-concerto-combo-dominicano-verbena-6](https://ribeirasacraxa.com/wp-content/uploads/2022/09/festas-de-vilalba-concerto-combo-dominicano-verbena-6.jpg)
O Concello do Saviñao celebra as súas festas patronais da capitalidade do Concello, Escairón, na honra á Virxe das Dores, os vindeiros 2, 3, 4, 5 e 6 de agosto.
Desta maneira, o venres 2 terá lugar ás 20.00 horas o III Torneo de Catán festas patronais Escairón no lugar social de Escairón, que incluirá numerosos premios e sorpresas.
Pola súa parte, o sábado terá lugar a partir das 11.00 horas a XII Carreira Popular Concello O Saviñao coa saída na praza Maior; mentres que á noite, ás 22.00 horas, haberá unha gran festa verbena na praza Maior co Grupo Punto Clave, Melenne e Gin Toni’s.
Pola súa parte, o día 4 comezará a festa ás 11.00 horas co pasacalles a cargo da Banda de Prado e o Grupo de gaitas Os Tarabelos do Saviñao e ás 12.00 horas haberá xogos populares na praza Maior. Xa ás 13.00 horas terá lugar a misa solemne seguida de procesión e ás 14.00 horas será o concerto do Grupo de gaitas Os Tarabelos do Saviñao e da Banda de música de Prado, para logo, ás 14.30 horas ter a sesión vermú na praza Maior coa orquestra Primera Línea. Xa pola tarde, ás 18.30 horas, haberá un partido de fútbol, do Atlético Escairón contra o CD Corgomo e ás 20.00 horas actuará Primera Línea na praza Maior. A festa rematará coa gran festa e verbena no campo da Lama con Nueva Fuerza e a orquestra Panorama.
O día 5, luns, a partir das 12.00 horas haberá bicicleta lenta e carreira de sacos infantil no campo da Lama e ás 14.00 horas terá lugar a sesión vermú coa orquestra Primera Línea. Xa pola tarde, ás 17.30 horas haberá atraccións gratuítas no campo da Lama e ás 19.30 horas terá lugar a festa da escuma para nenos. A festa rematará ás 21.00 horas coas orquestras Galilea e Gran Parada.
Finalmente, o martes 6 de agosto ás 12.00 horas será a gran carreira de burros, ás 13.30 horas tiro de corda infantil e adulto e ás 14.30 horas a sesión vermú coa Charanga Louband. Xa pola tarde terá lugar o partido de fútbol Atlético Escairón e o CD Lugo B ás 18.30 horas e ás 20.00 horas haberá festa e verbena no campo da Lama cun Festival de Djs. Finalmente, actuará o Combo Dominicano e ás 00.30 horas haberá un gran folión de fogos artificiais.