O Centro Sociocultural de Sober acolle este venres un concerto de Emilio Rúa
RibeiraSacraXa
O Centro Sociocultural de Sober acolle este venres un concerto de Emilio Rúa, o cantante galego que amenizará a xornada
![emilio rua concerto](https://ribeirasacraxa.com/wp-content/uploads/2021/08/emilio-rua-concerto.jpg)
13 Xul 2023
O cantante Emilio Rúa actuará este venres, 14 de xullo, no Centro Sociocultural de Sober a partir das 20.00 horas e as persoas interesadas en escoitar a súa música poderán facelo de maneira gratuíta.
Durante o concerto, o cantautor interpretará temas do seu novo libro-disco ‘Lendas no Camiño’, que recolle historias de distintos lugares de toda Galicia.
Así, poderase contemplar e desfrutar dun músico que leva encima dos escenarios dende os 5 anos, cando ía coa orquestra de seu pai. Anos despois, xa ten oito discos publicados en solitario.