Lemos Le celebra o Día das Bibliotecas cun xantar de confraternidade na Pobra do Brollón

Ademais, xa que o Día das Letras Galegas 2025 estará adicado ás cantareiras e á tradición oral, este ano contarase coa colaboración de Erre Que Erre

O colectivo Lemos Le celebra o Día das Bibliotecas cun xantar de confraternidade para todos os sectores relacionados coa cultura, a lectura e a educación.

A décima xuntanza celebrarase este sábado día 26 de outubro na Casa Rural A Salanova en Salcedo, A Pobra do Brollón, a partir das 14.30 horas.

Quen desexe asistir poderá recoller a súa entrada nas Bibliotecas Públicas Municipais de A Pobra de Brollón, Bóveda, Pantón, O Saviñao e Sober ou nas bibliotecas escolares do colectivo a un prezo de 20 euros.

Ademais, xa que o Día das Letras Galegas 2025 estará adicado ás cantareiras e á tradición oral, este ano contarase coa colaboración de Erre Que Erre, un colectivo que pretende manter viva a tradición oral das regueifas e do brindo na Pobra do Brollón.

Lemos Le é un colectivo formado por bibliotecas escolares, bibliotecas públicas municipais (BPM) e a Asociación de Librarías da comarca de Lemos.