Impartiranse clases de zumba para a veciñanza da Pobra do Brollón

Esta nova actividade súmase ás actividades deportivas xa en marcha de ioga, pilates e ximnasia

A Pobra do Brollón contará cunha nova actividade deportiva para a veciñanza durante este curso 2024-2025.

Así, as clases de zumba terán lugar os venres de 18.30 a 19.30 horas no pavillón municipal cun custo de 15 euros ao mes.

As persoas interesadas en matricularse poden facelo nas oficinas de Servizos Sociais de 09.00 a 13.00 horas ou na Biblioteca municipal de 10.30 a 13.30 horas ou de 15.30 a 18.30 horas.