Este venres comeza o programa de dinamización turística ‘Descubrir Quiroga'
![Fervenza-Quiroga](https://ribeirasacraxa.com/wp-content/uploads/2024/07/Fervenza-Quiroga.jpg)
Este venres, 5 de xullo, comeza o programa de dinamización turística ‘Descubrir Quiroga' que se desenvolve desde a Concellería de Turismo en colaboración coa de Cultura e co apoio financeiro da Deputación de Lugo.
Desta maneira, organízanse 13 completas actividades durante o verán que comezarán todas ás 09.00 horas na Casa da Cultura e o pistoletazo de saída será o Roteiro das fervenzas de Quiroga o venres.
Seguiranlle outras interesantes rutas e actividades como barranquismo e piragüismo, catas ou concertos.
Os interesados en participar nesta actividade gratuíta terán que anotarse na Casa de Cultura, ben persoalmente ou a través do correo cultura.quiroga.quiroga@eidolocal.es antes das 13.00 horas do día anterior a actividade.
PROGRAMA
O 13 de xullo, o 21 de agosto e o 13 de setembro terá lugar a actividade ‘Descubrimento de barranquismo en Campodola’ para adentrarse nas profundidades do pregamento.
O 19 de xullo terá lugar o ‘Roteiro literario de Quiroga’, o 20 de xullo será a quenda do ‘Roteiro do Ouro de Margaride’, o 27 de xullo terá lugar o ‘Descubrimento de piragüismo en Augas Mestas’ e o 31 de xullo será o ‘Roteiro da Arte Urbana de Quiroga’.
Pola súa parte, en agosto a primeira actividade será o día 2 coa actividade ‘Coñece os museos de Quiroga’, o día 30 terá lugar o ‘Roteiro da Encomenda de Quiroga’, o 31 visitarase Montefurado, terra de romanos; mentres que en setembro terá lugar o día 21 ‘Paisaxes Sonoros do Val D’A Seara e o 28 de setembro rematarán as actividades co Camiño de Inverno Inverso.