Cincuenta familias de Bóveda participan no programa de compostaxe doméstica

Cincuenta familias do Concello de Bóveda participan no programa de compostaxe doméstica municipal.

Cincuenta familias do Concello de Bóveda participan no programa de compostaxe doméstica municipal. A iniciativa, iniciada no 2022, contou con grande acollida entre a cidadanía tal e como desprenden os controis efectuados porta a porta por técnicos especialistas na materia

A maioría dos composteiros funcionan correctamente, o que contribúe en boa medida á redución de residuos orgánicos a depositar nos contedores convencionais, así como á redución da emisión de gases de efecto invernadoiro á atmosfera.

Trátase dunha proposta desenvolvida en colaboración coa Consellería de Medio Ambiente, Territorio e Vivenda da Xunta de Galicia no marco do Plan de recuperación, transformación e resiliencia, financiado pola Unión Europea-NextGenerationEU.