Cambian os percorridos das dúas modalidades de carreira Ultra do Quiroga Trail Challenge
Os organizadores do Quiroga Trail Challenge veñen de anunciar que se suprimen dúas partes dos percorrridos das dúas modalidades de Ultra "en vista das previsións meteorolóxicas para a fin de semana", explican.
Desta maneira, na modalidade ultra de 90 kms anúlanse o cresteo do Pico Pía Paxaro (chegarase á base, sen subir á cima) e o tramo do Pico Formigueiros, restando uns 7,5 kms do percorrido total e uns 500 metros de desnivel positivo, aproximadamente.
Pola súa parte, na distancia ultra de 70 kms suprímese a aresta do Pía Paxaro, mantendo o percorrido ata a súa base, o que supoñerá ao redor de 1,2 kms menos de distancia e 100 metros menos de desnivel positivo.
Ademais, nas dúas modalidades trasládase o avituallamiento do Pico Pía Paxaro ao pobo de Vilarbacú, 4 kms antes respecto da situación anterior.
Desde a orgaización explican que toman a decisión "porque non podemos garantir a seguridade dos corredores nas arestas de ambos os cumes debido ao prognóstico de ventos en altura e de nevadas ata o amencer do sábado, día de celebración das probas; o que ademais imposibilitaría o acceso en vehículos á zona do Pico Formigueiros", sosteñen.