A Escola de Música Xeoparque Montañas do Courel abriu o prazo de inscrición para o novo curso
A Escola de Música Xeoparque Montañas do Courel ten aberto o prazo de inscrición para o novo curso, no que teñen cabida tanto nenos e nenas a partir dos seis anos como adultos sen límite de idade; podendo permitir o acceso a exames RSL, para obter titulacións oficiais en música moderna.
Na escola contan con un amplo abano de instrumentos e as clases de batería e piano levaranse a cabo en San Clodio, mentres que guitarra, baixo e canto desenvolveranse en Quiroga.
O custo da inscrición é de 39 euros e a cota mensual está fixada en 55 euros. As inscricións pódense realizar a través do teléfono 982.874.976 ou do correo infor@escolamusicamoderna.es.
A Escola de Música Xeoparque Montañas do Courel púxose en marcha o pasado ano entre os tres concellos do xeoparque, Quiroga, Ribas de Sil e Folgoso do Courel e a Escola de Música Moderna de Monforte.