Actualidade

A foodtruck estará situada durante toda a xornada na Praza de España

Foodtruck 'Galicia Sabe Amar'

A campaña ‘Galicia Sabe Amar’ chega ao Saviñao este xoves, 10 de xaneiro, cunha foodtruck que estará situada durante toda a xornada na Praza de España. As persoas interesadas en achegarse poderán gozar de xeito gratuíto de petiscos realizados a base de produtos certificados do mar e da terra, en horario de 12.00 a 15.00 horas e de 17.00 a 20.00 horas.

‘Galicia Sabe Amar’ é unha iniciativa da Consellería do Mar da Xunta de Galicia que anima á ciudadanía a consumir produtos do mar, impulsar a súa venda e poñer en valor o labor dos profesionais da pesca e do marisqueo.