A Asociación Sociocultural Boca do Monte organiza un obradoiro de cabazas de Samaín
RibeiraSacraXa
A actividade terá lugar o vindeiro 2 de novembro
Asociación Sociocultural Boca do Monte
28 Oct 2024
A Asociación Sociocultural Boca do Monte organiza un obradoiro de cabazas de Samaín previsto para o vindeiro sábado, 2 de novembro.
A actividade terá lugar no Portaleiro ou no Centro da aldea Os Anguieiros, dependendo da meteoroloxía, e arrancará ás 17.00 horas. Dende a organización lembran aos participantes que poderán levar unha cabaza e unha candea pequena. Posteriormente, a partir das 20.00 horas, terá lugar un Magosto popular con castañas, viño e foliada popular co grupo O Recanto.