A Asociación O Carballo organiza a primeira xornada de iniciación na micoloxía en Taboada
RibeiraSacraXa
A Asociación Cultural O Carballo de Taboada organiza a súa primeira Xornada de iniciación na micoloxía, a nivel de iniciación básica, este 28 de outubro, día no que as persoas participantes estudarán a fondo os fungos.
![setas cogomelos micoloxia](https://ribeirasacraxa.com/wp-content/uploads/2022/11/setas-cogomelos-micoloxia.jpg)
27 Out 2023
A Asociación Cultural O Carballo de Taboada organiza a súa primeira Xornada de iniciación na micoloxía, a nivel de iniciación básica, este 28 de outubro, día no que as persoas participantes estudarán a fondo os fungos.
Así, a experta micóloga chantadesa Olga Otero, labrega chantadesa aficionada á micoloxía e de moi longa experiencia, será a encargada de impartir unha charla teórica a partir das 16.00 horas na Casa da Cultura de Taboada.
A parte práctica da saída de campo para comprobar os aspectos teóricos na vida real non se poderá realizar, xa que os organizadores non atopan un lugar axeitado para levala a cabo por mor das chuvias.
![xornada micoloxía](https://ribeirasacraxa.com/wp-content/uploads/thumbs/2023/10/xornada-micoloxia-200x282.jpg)