Un espectáculo de rúa para celebrar o Día do Pai en Quiroga
RibeiraSacraXa
O Trio Detrés levará á rúa Real un espectáculo coa música e o ritmo como protagonistas, pero mesturados con rutinas e gags cómicos
![miniatura quiroga espectáculo](https://ribeirasacraxa.com/wp-content/uploads/2021/03/miniatura-quiroga-espectaculo.jpg)
16 Mar 2021
O Concello de Quiroga comeza a desenvolver as actividades lúdicas e culturais que ten programadas para o primeiro semestre deste ano. A primeira, será un espectáculo de animación de rúa, que se desenvolverá o vindeiro venres, con motivo da festividade de San Xosé.
O Trio Detrés levará a Quiroga 'Máis Ritmo', un espectáculo versátil, coa música e o ritmo como protagonistas, pero mesturados con rutinas e gags cómicos. O número, dirixido por Fran Rei, está pensando para todos os públicos.
'Máis Ritmo', unha sucesión de situacións cheas de humor, de improvisación e de solucións disparatadas acompañadas da mellor música, poderase ver o vindeiro venres 19, a partires das 18.00 horas, na Rúa Real de Quiroga.
![quiroga espectáculo](https://ribeirasacraxa.com/wp-content/uploads/thumbs/2021/03/quiroga-espectaculo-200x122.jpg)