Xornada de actividades na Primavera Xove de Chantada
![cartel primavera chantada](https://ribeirasacraxa.com/wp-content/uploads/2021/05/cartel-primavera-chantada.gif)
O vindeiro venres 21 de maio, no espazo xove de Chantada celebrarase a Feira da Primavera. A xornada está composta de varias actividades para mozos e mozas de entre 14 e 30 anos de idade.
A mañá comezará cunha conferencia interactiva sobre o obradoiro da sesión de tarde, así coma unha pequena actividade musical participativa para todas as persoas asistentes, relacionada co hip-hop. A sesión completarase cunha charla sobre o graffiti e estará a cargo de Velaísca, de TiamGz e de Marcos Fernández Cea, e o horario será de 10:00 a 13:00 horas.
Xa pola tarde, de 17:30 a 19:30 horas haberá dous obradoiros. Por unha beira, un obradoiro de hip-hop e rap onde se verá o contexto histórico destas disciplinas en Galicia e as bases da composición para, posteriormente, poñer en práctica o aprendido, facer unha colaboración entre artistas e, finalmente, unha actuación final.
Asemade, farase un obradoiro de graffiti que estará impartido por Marcos Fdez Cea.
![cartel primavera xove chantada](https://ribeirasacraxa.com/wp-content/uploads/thumbs/2021/05/cartel-primavera-xove-chantada-200x282.gif)