Cultura

A Asociación cultural Casa da Música de Chantada e a ludoteca Trasniños organizan un campamento de verán musical do 26 até o 30 de xullo.

A Asociación cultural Casa da Música de Chantada e a ludoteca Trasniños organizan un campamento de verán musical do 26 até o 30 de xullo. O campamento contará con obradoiros de instrumentos, música e movemento, actividades de expresión corporal, xogos musicais e batucadas, entre outras para pasar unhas xornadas cheas de diversión e ensinanza.

Realizaranse dous grupos; un formado por nenos e nenas de 2 a 6 anos de idade e outro formado por nenos e nenas de 7 a 12 anos.

As prazas son limitadas e o prazo de matrícula é do 30 de xuño até o 10 de xullo na casa da música os martes e os mércores de 16.00 a 18.00 horas e os xoves de 18.00 a 20.00 horas ou no teléfono 604 064 833.