Regresa a Pantón a campaña ‘Sobes ao autobús do Teatro?’
RibeiraSacraXa
As persoas participantes viaxarán a Santiago para ver a función ‘Nada se sabe’
7 Jan 2025
O programa de mobilidade do Centro Dramático Galego ‘Sobes ao autobús do Teatro?’ regresa por segunda vez a Pantón o vindeiro 29 de xaneiro de 2025.
Nesta ocasión, os participantes poderán viaxar a Santiago de Compostela para ver a obra ‘Nada se sabe’. O programa de mobilidade teatral ofrece transporte en autobús desde Pantón ás 14:30 horas, para asistir á función que terá lugar ás 18:00 horas no Centro Dramático Galego. A entrada ten un prezo simbólico de 5 euros.
As persoas interesadas en participar nesta actividade poden anotarse chamando ao teléfono 982 456 377 ou 670 329 131 de luns a venres de 10.00 a 20.00 horas.