Cultura

Trátase dunha exposición abstracta do artista Jose Luis Taracena que poderá visitarse na sala de exposicións Manuel María

Quiroga inaugurará este venres, na sala de exposicións Manuel María, no Centro Sociocultural, a mostra ‘A maxia das Cores’, unha exposición abstracta de arte diverxente do artista Jose Luis Taracena, que estará presente durante o acto de apertura.

A exposición, que abrirá ao público o venres 11 de abril ás 18.00 horas poderá visitarse ata o 30 de abril. Ademais, o derradeiro día, haberá un sorteo de dúas obras do artista.