Quiroga avanza o plan de actuacións en materia turística para este 2025
O Tenente de Alcalde, Vicente Parra, mantivo un encontro cos técnicos de Cultura e Turismo do Concello de Quiroga para iniciar o plan de actuacións para este 2025.
En total, na reunión abordáronse catro liñas estratéxicas en materia turística para este ano. Por unha banda, os representes do Concello destacaron o “éxito acadado con gran acollida por parte de veciños e visitantes” do programa Descubrir Quiroga, posto en marcha o pasado verán cunha achega de 10.000 euros da Deputación de Lugo. Por iso, acordaron que este programa de dinamiza
Por unha banda, os representantes do Concello acordaron volver a poñer en marcha este ano o programa Descubrir Quiroga, unha acción de dinamización turística posta en marcha o pasado verán grazas a unha achega de 10.000 euros por parte da Deputación de Lugo e que acadou un gran éxito entre veciños e visitantes. Este programa consiste en coñecer Quiroga “dunha forma diferente a través de interesantes rutas e actividades acuáticas, complementadas con catas gastronómicas ou concertos”.
Ademais, no encontro abordouse a situación actual das numerosas rutas coas que conta o Concello de Quiroga, sete delas homologadas. Cunha axuda económica de preto de 30.000 euros a través da Rede Natura 2000 da Xunta de Galicia, e de fondos propios do Concello de Quiroga, sete das rutas están limpas e sinalizadas (PR-G 184 Lagoa da Lucenza, PR-G 192 Pregamento Xeolóxico, PR-G 141 do Ouro e do Camiño Real de Margaride, PR-G do Val do Río Quiroga, Ruta da Fervenza de Vieiros e a ruta do Castro de Penadominga). Estes días rematarase o acondicionamento de 4 pontes na ruta do Camiño do Ferradal e da sinalización que estaba pendente. Dende o Concello informan de que quedan por revisa a ruta circular do Montouto e a da Seara a Rugando.
Tamén se abordou nesta xuntanza o programa para a vindeira Feira do Viño de Quiroga. Os representantes do Concello adiantaron que, este ano, entre os actos que se organizarán no evento, haberá un recoñecemento aos primeiros organizadores da Feira.