Os parques infantís de Quiroga serán mellorados grazas a un convenio entre o Concello e a Deputación de Lugo
O Concello de Quiroga levará a cabo un proxecto de acondicionamento e mellora nos tres parques infantís do municipio grazas a un convenio entre o Concello e a Deputación Provincial de Lugo que permitirá investir 50.000 euros nestas melloras.
Así, no Parque da Constitución renovarase a zona do areeiro infantil, mellorando a seguridade coa instalación dun valado de madeira con dous accesos e a substitución da area por outra de textura máis fina. Ademais, retiraranse os elementos de xogo deteriorados e reubicaránse os que están en bo estado. Tamén se colocará pavimento continuo de caucho, unha fonte de auga potable e instalarase unha tirolina.
No Parque da Igrexa substituiranse varios xogos, arranxarase o pavimento de pedra e recolocaranse as losas de caucho, mentres que no Parque da Praza de España incorporarase un elemento de sombra tipo téxtil para mellorar o confort, especialmente durante os meses de máis calor.