Cultura

A ampliación afecta aos horarios tanto do Museo Xeolóxico como do Etnográfico

Museo Xeolóxico de Quiroga

Os museos Xeolóxico e Etnográfico de Quiroga amplían os seus horarios de apertura con motivo da Semana Santa, co obxectivo de facilitar as visitas a estas instalacións culturais do municipio.

Ademais desta ampliación, o mércores 1 de abril organizáronse xornadas de portas abertas, nas que se ofreceron visitas guiadas con entrada gratuíta e sen necesidade de cita previa.

Durante as xornadas festivas, ambos museos permanecerán abertos o Xoves, Venres e Sábado en horario de mañá, de 11:00 a 13:30 horas, e pola tarde, de 17:00 a 19:00 horas. O domingo, pola súa parte, abrirán unicamente en horario de mañá, de 11:00 a 13:30 horas.

Así mesmo, mantense o servizo de atención a grupos de 10 ou máis persoas, coa posibilidade de realizar visitas guiadas fóra destes horarios, sempre con cita previa a través do teléfono da Casa da Cultura, o 982 43 51 25.