Obradoiro na Pobra do Brollón do 24 ao 28 de maio
O obradoiro gratuíto Gobernanza cooperativa nas Comunidades de Montes Veciñais (CCMMVV), de especial interese para persoas vinculadas ás Comunidades de Montes, tratará xeitos de extraer maior rendibilidade a estas superficies e mellorar a súa xestión. Será nas instalacións de A Casa da Escola de Parada dos Montes, na Pobra do Brollón, entre o 24 e o 28 de maio, de 16:00 a 19:00h.
Desenvolverase en cinco xornadas temáticas: iniciativas innovadoras na valorización dos montes veciñais no medio rural, gobernanza e organización cooperativa das CCMMVV, fiscalidade, titularidade e defensa da integridade dos montes veciñais e Instrumentos de ordenación ou xestión forestal.
AGACA organiza esta actividade, que é parte dun ciclo formativo especializado en Comunidades de Montes Veciñais.
Calquera Comunidade de Montes Veciñais que desexe recibir a formación nas súas instalacións pode poñerse en contacto con AGACA no 981 58 47 83.
A actividade enmárcase na programación 2021 da Rede Eusumo.
As persoas interesadas en asistir ao obradoiro en A Pobra do Brollón poden inscribirse en www.agaca.coop e as Comunidades de Montes Veciñais interesadas en acoller obradoiros poden informarse chamando ao 981 58 47 83
