Obradoiro de orientación na natureza e exposición de ilustracións no Espazo Xove de Chantada
![bosque carballos](https://ribeirasacraxa.com/wp-content/uploads/2021/08/bosque-carballos.jpg)
O Espazo Xove de Chantada organiza durante todo o mes de maio un obradoiro gratuito de Orientación na Natureza, con saídas ao campo.
A actividade, que comezou este martes e se vai desenrolar todos os martes e mércores de 18.30 a 20.00 horas, estará impartida pola empresa Monte da Roda, especializada en sendeirismo, actividades de montaña, promoción do patrimonio natural, etnolóxico e cultura e talleres de orientación e educación ambiental.
O prazo de inscrición permanece aberto. Os interesados poden reservar a súa praza no Espazo Xove de Chantada na rúa Rosalía de Castro nº1, chamando ao teléfono 982 870 258 ou no mail espazoxovechantada.xuventude@xunta.gal .
EXPOSICIÓN DE ILUSTRACIÓNS
A actividade neste mes de maio no Espazo Xove de Chantada inclúe tamén unha exposición de ilustracións de Iria Ribadomar Molina, debuxante e pintora de Cambados pero que na actualidade ten o seu domicilio en Santiago.
"Deica! Ilustrando o país" recolle a obra de Iria Ribadomar coa cultura e a identidade galega como protagonista das súas creacións durante a última decada e os estereotipos, o xénero e a soberanía, tanto como persoa, como muller e como pobo, e a identidade como temas principias.
A exposición no Espazo Xove de Chantada inaugurouse o pasado luns coa presencia da propia autora e permanecerá aberta durante todo o mes de maio. A entrada será de balde.