O PP de Monforte pide que se aumenten prazas para as persoas con discapacidade nas Ofertas Públicas de Emprego
O Grupo Municipal do PP de Monforte pedirá no vindeiro pleno “que o Concello de Monforte adquira o compromiso de ser máis inclusivo ofertando máis prazas para as persoas con discapacidade nas vindeiras Ofertas Públicas de Emprego, xa sexan de maneira conxunta con outras ou de xeito independente, tal e como permite a lei”, sinala a voceira do PP de Monforte, Katy Varela.
Os populares consideran insuficientes as prazas ofertadas para persoas con discapacidade, e poñen de exemplo a última Oferta de Emprego Público (OPE), “que non incluía a porcentaxe mínima de praza (7%) para persoas con discapacidade que lle esixe a lei, tal e como denunciaba recentemente a CIG”.
“Aínda que sexa difícil cumprir os requisitos para optar ás prazas para persoas con discapacidade, hai que cumprir as normas que din que o 2% do persoal sexa ocupada por traballadores con discapacidade”, sinala a voceira popular.
“É necesario que o Concello se implique e que publique ofertas de emprego destinadas a estas persoas. Por iso, vamos solicitar no vindeiro pleno que haxa máis sensibilidade por parte do equipo de goberno de Tomé con este colectivo e que se comprometa a publicar nalgunha OPE prazas específicas para as persoas con maior vulnerabilidade, que teñen un grado de discapacidade maior do 33%”, finaliza a popular.