Cultura

Tripadvisor acaba de distinguir ao Museo Pazo de Tor como un dos gañadores dos premios Travellers' Choice 2021.

Tripadvisor acaba de distinguir ao Museo Pazo de Tor, situado en Monforte de Lemos e integrado na Rede Museística da Deputación de Lugo, como un dos gañadores dos premios Travellers' Choice 2021.

Esta é unha distinción que se concede a aqueles que ofrecen experiencias turísticas e que recibiron opinións e puntuacións positivas durante este último ano. Así pois, considérase que o Museo Pazo de Tor logrou destacar por ofrecer "un servizo e unhas experiencias incríbles aos seus clientes".

Desta maneira, dende a Rede Museística da Deputación de Lugo queren agradecer a todas aquelas persoas que, cos seus comentarios favorables sobre Museo Pazo de Tor, fixeron posible esta distinción.