O grupo de teatro ‘Augas do Sil’ actuará o 1 de febreiro en Ribas de Sil
RibeiraSacraXa
Presentarán a mostra ‘Os apuros dun zapateiro’ no salón de actos do Concello
Agrupación teatral 'Augas do Sil'
27 Jan 2025
O grupo de teatro Augas do Sil actuará o vindeiro sábado, 1 de febreiro, no salón de actos do Concello de Ribas de Sil. A agrupación local presentará a súa montaxe ‘Os apuros dun zapateiro’.
A mostra está baseada na obra teatral homónima, escrita por José Molejón Rañón en 1977. Trátase dunha comedia galega dividida en dous actos, que abrirá a programación teatral de 2025 no concello.