Actualidade

Medio Rural e o Concello da Peroxa avanzaron na situación deste futuro polígono, así como no de Mirallos, que mobilizará 44,52 hectáreas de terreo

Encontro entre representantes de Adercou e o alcalde da Peroxa

A directora xeral da Axencia Galega de Desenvolvemento Rural, Paz Rodríguez, reuniuse na tarde deste luns co alcalde do concello ourensán da Peroxa e presidente do Grupo de Desenvolvemento Rural Adercou, Manuel Seoane, para avaliar os avances en materia de mobilización de terras nesta localidade.

Neste sentido, a xuntanza serviu para analizar o estado dos polígonos agroforestais proxectados na localidade. Por un lado atópase o de Mirallos, co que se prevén mobilizar 44,52 hectáreas de terreo, e por outro está o de Carballedo-A Peroxa, situado entre o concello ourensán e o lucense de Carballedo, con 25,48. Ademais, na reunión tamén se abordou o avance dalgúns proxectos que contan con apoio do programa Leader para favorecer o desenvolvemento rural.