O Concello de Quiroga pide aos veciños que fagan un uso responsable dos patinetes eléctricos
O Concello de Quiroga fai un chamamento ao uso responsable dos patinetes eléctricos para garantir a seguridade viaria e protexer a todos os usuarios de vehículos de mobilidade persoal. Desde a administración local lembran que existen unhas normas que deben respectarse obrigatoriamente.
Entre estas normas atópase a obrigación de usar casco homologado, xa que todos os condutores de patinetes deben levalo posto para a súa propia protección. Tamén está prohibido circular polas beirarrúas ou zonas peonís; estes vehículos deben transitar unicamente pola calzada e respectar sempre os sinais de tráfico.
Ademais, cando haxa pouca visibilidade é imprescindible que os patinetes leven luces dianteiras e traseiras, así como que os condutores utilicen prendas ou elementos reflectores para ser vistos con maior facilidade. A idade mínima para conducir un vehículo de mobilidade persoal é de 15 anos, e está totalmente prohibido manexar baixo os efectos do alcol ou drogas.
Por último, recordase que os patinetes están deseñados para unha soa persoa, polo que non está permitido transportar acompañantes. O incumprimento destas normas pode conlevar sancións económicas ou a inmobilización do vehículo.
Desde o Concello de Quiroga insisten na importancia da responsabilidade individual para un uso seguro e respectuoso destes medios de transporte.