O Concello de Monforte conmemora mañá o Día Europeo das Vítimas do Terrorismo cun minuto de silencio
RibeiraSacraXa
A iniciativa ten como obxectivo amosar apoio e solidariedade ás persoas afectadas polo terrorismo
10 Mar 2026
Con motivo da conmemoración mañá, 11 de marzo, do Día Europeo das Vítimas do Terrorismo, o alcalde de Monforte, José Tomé Roca, convocou un minuto de silencio diante da fachada principal da Casa do Concello ás 12:00 horas.
A iniciativa pretende amosar apoio e solidariedade ás persoas afectadas polo terrorismo, así como expresar o rexeitamento e a condena de todos os actos de barbarie.
O Concello de Monforte súmase así á proposta da Federación Española de Municipios e Provincias (FEMP), aprobada por unanimidade pola súa Xunta de Goberno.
O acto terá lugar o mércores, 11 de marzo, ás 12:00 horas, diante da Casa do Concello.