Axenda | Cultura

Será o vindeiro 21 de febreiro ás 20.30 horas

Alex Pernas presentará en Chantada o seu libro 'Paspartue'. A cita terá lugar o venres 21 de febreiro ás 20.30 horas no Círculo Recreativo e Cultural, organizada pola Irmandade Cultural País do Faro.

Logo da publicación de ‘Xarfas’, ‘A Paga’, e ‘De entre as tebras’, Alex Pernas (A Coruña, 1986) escribe esta novela curta na que volve amosar o máis escuro da condición humana nun texto con trazos de realismo máxico, e no que unhas personaxes guiadas pola obsesión se verán abocadas a un destino caracterizado pola repetición.

A presentación, parte da xira Paspartour, estará musicada polo propio autor.