O Chandrexa Trail 2025 presenta o seu cartel oficial
O Chandrexa Trail 2025 xa ten cartel oficial para a súa próxima edición, que se celebrará o vindeiro 18 de maio. Dende que o Concello de Chandrexa de Queixa ostenta a Capitalidade compartida da Montaña Española, a proba pasou a formar parte da Copa EsMontañas. Este ano, ademais, formará parte do Campionato de España de Carreiras de Montaña da Federación Española de Deportes de Montaña e Escalada.
Así, o 18 de maio, a Serra de Queixa do Macizo Central Ourensán, será o elemento natural que percorrerán deportistas de todo o territorio español nas categorías CH35 2300+, CH23 1277+ CH18 960+, CH14 699+ e CH9 580+.
Dende o Concello de Chandrexa de Queixa agradecen a colaboración e o apoio institucional que fixeron posible que a proba forme parte por primeira vez do circuíto estatal de carreiras de Montaña.