Cultura | Educación

Trátase de ‘Fontes de solidariedade’, que pode verse ata o 15 de febreiro

A Pobra do Brollón acolle ata o 15 de febreiro a exposición ‘Fontes de solidariedade’, que presenta diferentes iniciativas de cooperación impulsadas polo Fondo Galego de Cooperación e Solidariedade, do que forma parte o Concello local.

A mostra consta de seis lonas que combinan textos, fotografías e debuxos realizados polo alumnado dunha escola en Guinea-Bissau. Entre os proxectos destacados están a dotación de auga potable en aldeas de Guinea-Bissau, o fomento da agricultura en Cabo Verde e a prevención dos ataques de crocodilos en Mozambique.

A exposición pode visitarse no exterior do colexio da Pobra do Brollón, colocada no valado do patio, grazas á colaboración do centro escolar.